Hemen aurkituko duzu UDALEKUAK, KANPAMENTUAK, MARTXA IBILTARIAK ETA AUZOLANDEGIAK, antolatzeko behar den guztia:

Jarduera hauek, Euskadin, ekainaren 25eko 170/1985 Dekretuak eta Gazteen 2/2022 Legeak arautzen   ditu.

Erakunde antolatzaileek jarduera egiten den lurraldeari dagokion Foru Aldundian aurkeztu beharko dute jarduerari buruzko aurretiazko jakinarazpena gaua familiaren egoitzatik kanpo pasatzea berekin dakarten jardueretan 18 urtetik beherako adingabeek parte hartuz gero:

• Araba. Tel.: 945181988, emaila: astialdiaifj@araba.eus

  • Jardueren adierazpena>>

• Bizkaia: Tel.: 944067400, emaila: https://www.ebizkaia.eus/eu/hasiera (1664 prozedura) 

• Gipuzkoa. Formulariorako sarbidea. Tel.: 943112111, emaila: gipuzkoa@gipuzkoa.eus   (ez erabili jarduerak adierazteko)

Jarduera lurralde bat baino gehiagotan egingo bada, orduan aurretiazko jakinarazpena Eusko Jaurlaritzako Gazteria Zuzendaritzan aurkeztu beharko da, gazteria-europa@euskadi.eus posta elektronikoaren bidez.

Jakinarazpena jarduera egin baino hilabete lehenago aurkeztu beharko da, gutxienez. Gainera, jardueraren arduradunak honako agiri hauek eduki beharko ditu: jardueran parte hartuko duten pertsona guztien Gizarte Segurantzaren bidaietarako osasun-txartelak edo antzekoak, Erantzukizun Zibileko eta osasun laguntzako indarreko asegurua, indarrean, eta adingabekoen gurasoen baimen idatziak.

Informazio gehiago Eusko Jaurlaritzaren webgunean aurki dezakezue: Gazteaukera

Aurretiazko jakinarazpena dokumentazio honekin batera aurkeztu beharko da:

• Jardueraren Aurretiazko Jakinarazpen Eredua (zuzendariak sinatuta).

• Ostatu hartzeko erabiliko den lursailaren, instalazioaren edo eraikinaren jabearen edo administratzailearen baimena.
  • Horretaz gain, lursaila erabiliz gero:
    • Udalaren edo administrazio-batzarraren aldeko txostena.
    • Lursailaren plano grafikoa kokapenaren ezaugarriak (koordinatuak eta instalazioen antolakuntza) eta bertara heltzeko modua jasota dituena.
    • Kontsumoko Urei eta beren kontrolari buruzko datuen formularioa. 
  • Ibilaldirik egotekotan, zerrenda bat erantsi behar izango da ostatu-gauetako bakoitzerako datu hauekin: ostatu-gauetako bakoitzeko data, instalazio edo lursailaren izena, helbidea, herria, probintzia (lursaila erabiliz gero, udalaren txostena erantsi), jabea (erantsi baimena, erabiltze-kontratuaren kopia, erreserba edo kasu bakoitzean dagoena).

• Haurren edo gazteen astialdietako jardueren zuzendari titulua, edo horrekin baliokidetutako tituluak.

• Monitore tituluak edo baliodunekoak: lehenengo 10ak gainditzen dituzten 15 parte-hartzaileko, beste monitore bat eduki beharko da. Horietatik %40k titulua eduki beharko dute.

• Ziurtagiri Negatiboa Sexu-izaerako Delituetan, haurrak eta nerabeak indarkeriatik erabat babesteko 8/2021 Lege Organikoaren 57. artikuluaren arabera

• Egiten den jarduerari dagokion gainerako legeria guztia.