Aisialdiko jardueren erantzunkisunpeko adierazpena

Euskadin adingabeentzako, aisialdi hezitzaileko eta denbora libreko jarduerak eskolaz kanpoko aldian antolatzen dituzten pertsona fisiko edo juridikoak, publikoak edo pribatuak, hala nola:

• Kanpaldi
• Kanpaldi ibiltaria, martxa bolantea edo ibilbidea
• boluntariotzako eremuak
• Koloniak / Udaleku irekiak

Jardueraren erantzukizunpeko adierazpena egin beharko dute jardueraren iraupena ondoz ondoko 4 egunekoa edo gehiagokoa bada edo gaua 3 gauekoa edo gehiagokoa bada.

Erantzukizunpeko adierazpena jarduera hasi baino hilabete lehenago egin behar zaio jarduera egiten den lurraldeko foru-aldundiari:

• Araba. Egoitza elektronikoaren bidez. Telefonoa: 945 181 988, korreoa: astialdiaifj@araba.eus (ez erabili jarduerak adierazteko)
• Bizkaia. Egoitza elektronikoaren bidez. Bilatzailean "eskaera orokorra" sartu behar da, eta beharrezko dokumentazioa gehitu agertzen den prozeduran. Telefonoa: 944 068 718.
• Gipuzkoa. Formulariorako sarbidea. Telefonoa: 943 112 111, korreoa: gipuzkoa@gipuzkoa.eus (ez erabili jarduerak adierazteko)
• Jarduera lurralde bat baino gehiagotan egingo bada, erantzukizunpeko adierazpena Eusko Jaurlaritzako Gazteria eta Emantzipazioko Zuzendaritzan aurkeztu beharko da.

Jarduera hauek, 112/2026 DEKRETUA, ekainaren 30ekoa, aisia hezigarriko eta aisialdiko jarduerei buruzkoa eta Gazteen 2/2022 Legeak arautzen ditu.

Aurkeztu beharreko dokumentazioa

• Aisialdiko begirale eta zuzendaritza tituluak edo baliokideak. Nahitaezkoa da 2 begirale egotea edozein jardueran, horietako bat zuzendaria izan daiteke. 21 parte-hartzaile aurrera, begirale bat gehituko zaio10 parte-hartzaileko(2026an % 60ko tituluduna izan beharko da, 2027an % 70ekoa eta 2028an % 80koa)
• Erantzukizun zibileko aseguru polizaren ziurtagiria eta azken ordainketaren egiaztagiria.

Betebeharrak

Erakundeak honako hauek dituela adierazi behar du:

• Guraso edo tutoreen baimena.
• Jarduera egiteko lursail edo instalazioaren titularraren baimena.
• Lursailaren udalaren aldeko txostena.
• URAren baimenak (hala dagokionean).
• Elikagaiak manipulatzen dituzten langileen prestakuntza egiaztagiria (lan hauetaz arduratzen diren pertsonentzat).
• Lehen sorospenetan ezagutzak dituzten langileak.
• Adingabeen osasun txartel indibiduala.
• Autobabes planak edo simulakroak.
• Langileen sexu delituen ziurtagiri negatiboa.
• Babes ordazkari bat izatea.

Aldaketak / Ezeztapenak

Aldaketak edo ekintza bertan behera utzi nahi izanez gero, erantsi dokumentu bat Nire Karpeta bidez hasierako espedientean.

Gai honekin lotutako edozein zalantza izanez gero, deitu 945 180 423 / 945 180 283 / 945 180 189 telefonoetara goizeko 8:00etatik arratsaldeko 15:00ak arte edo idatzi astialdi-informazioa@euskadi.eus posta elektronikora.