Hemen aurkituko duzu UDALEKUAK, KANPAMENTUAK, MARTXA IBILTARIAK ETA AUZOLANDEGIAK, antolatzeko behar den guztia:

Jarduera hauek, Euskadin, ekainaren 25eko 170/1985 Dekretuak eta Gazteen 2/2022 Legeak arautzen   ditu.

Erakunde antolatzaileek jarduera egiten den lurraldeari dagokion Foru Aldundian aurkeztu beharko dute jarduerari buruzko aurretiazko jakinarazpena/adierazpena, gaua familiaren egoitzatik kanpo pasatzea berekin dakarten jardueretan 18 urtetik beherako adingabeek parte hartuz gero:

• Araba. Tel.: 945181988, emaila: astialdiaifj@araba.eus

  • Jardueren adierazpena>>

• Bizkaia: Tel.: 944067400, emaila: https://www.ebizkaia.eus/eu/hasiera (1664 prozedura) 

• Gipuzkoa. Formulariorako sarbidea. Tel.: 943112111, emaila: gipuzkoa@gipuzkoa.eus   (ez erabili jarduerak adierazteko)

Jarduera lurralde bat baino gehiagotan egingo bada, orduan aurretiazko jakinarazpena Eusko Jaurlaritzako Gazteria Zuzendaritzan aurkeztu beharko da, gazteria-europa@euskadi.eus posta elektronikoaren bidez.

Jakinarazpena/adierazpena jarduera egin baino 30 egun baliodun lehenago aurkeztu beharko da, gutxienez. 

Informazio gehiago Eusko Jaurlaritzaren webgunean aurki dezakezue: Gazteaukera

Aurretiazko jakinarazpena/adierazpena dokumentazio honekin batera aurkeztu beharko da:

• Jardueraren Aurretiazko Jakinarazpen/adierazpen Eredua (zuzendariak sinatuta).

• Erantzukizun zibileko aseguruaren poliza eta ordainagiria, jardueran parte hartzen duten guztiak estaliko dituena.

• Haurren edo gazteen astialdietako jardueren zuzendari titulua, edo horrekin baliokidetutako tituluak.

• Monitore tituluak edo baliodunekoak: lehenengo 10ak gainditzen dituzten 15 parte-hartzaileko, beste monitore bat eduki beharko da. Horietatik %40k titulua eduki beharko dute.

Bestalde, erakunde antolatzaileak honako hauek eduki beharko ditu:

• Ostatu hartzeko erabiliko den lursailaren, instalazioaren edo eraikinaren jabearen edo administratzailearen baimena.
  • Horretaz gain, lursaila erabiliz gero:
    • Udalaren edo administrazio-batzarraren aldeko txostena.
    • Lursailaren plano grafikoa kokapenaren ezaugarriak (koordinatuak eta instalazioen antolakuntza) eta bertara heltzeko modua jasota dituena.
    • Kontsumoko Urei eta beren kontrolari buruzko datuen formularioa. 
  • Ibilaldirik egotekotan, zerrenda bat erantsi behar izango da ostatu-gauetako bakoitzerako datu hauekin: ostatu-gauetako bakoitzeko data, instalazio edo lursailaren izena, helbidea, herria, probintzia (lursaila erabiliz gero, udalaren txostena erantsi), jabea (erantsi baimena, erabiltze-kontratuaren kopia, erreserba edo kasu bakoitzean dagoena).

• Ziurtagiri Negatiboa Sexu-izaerako Delituetan, haurrak eta nerabeak indarkeriatik erabat babesteko 8/2021 Lege Organikoaren 57. artikuluaren arabera

• Janari-erabiltzailearen txartela mota horretako lanez arduratzen diren pertsonentzat

• Gizarte Segurantzaren bidaia-txartela edo antzekoa, jarduera osatzen duten pertsona guztientzat

• Adingabeek idatziz emandako aita- edo ama-baimena.

• Egiten den jarduerari dagokion gainerako legeria guztia.