@lurrikaraba 

Emantzipaziorako eta dinamizaziorako programa bat da, Gasteiztik kanpoko Arabako udalerrietan bizi diren 14-30 urteko gazteentzako zuzenduta.

Programaren helburuak

1. Arabako gazteen errealitatea, interesak eta beharrak jakitea.

2. Hezkuntza eta lan orientazio pertsonalizatua eskaintzea, jasotako beharren eta interesen arabera.

3. Dagoeneko badiren gazte ekimen, programa eta zerbitzuen berri ematea eta jakinaraztea.

4. Garapen pertsonal edo komunitariorako gazteentzako proiektuak bideratzea eta laguntzea. Proiektu horiei balioa ematea, haien berri emanez eta sustatuz.

5. Gazteen parte hartzea sustatzea

Programak urtebete iraungo du, eta hiru zatitan banatuko da:

1. Hasiera zatia, prestakuntza: enpresaren eta Gazteriaren Foru Erakundearen artean

2. Analisi zatia horrek berekin ekarriko du politika horien garapenean inplikatutako lurraldeko eragile guztiekin harremanetan jartzea, bai eta tokian bertan ere, errealitatearen diagnostikoa egiteko eta ekintza-plan bat egiteko

3. Zati estrategikoa: Ekintza Planaren garapena

Hona hemen programak, bere garapenean, biltzen dituen ekintza nabarmenak:

1. Elkarrizketak egitea gazteekin harreman zuzena duten pertsonei, bai eta gazte jendeari eta gazte taldeei ere, egungo errealitatearen eta beharren berri jakiteko. Egoeraren diagnostikoa eta ekintza plana egitea.

2. Gazte intereseko informazioa partekatzeko sare sozial bat sortzea.

3. Gazteek parte har dezaten egitura bat eratzea.

4. Ikasgela birtual bat sortzea, informazio zalantzak e-mailez, WhatsApp bidez, telefonoz edo mezu zuzenez argitze aldera laguntza eta orientazioa emateko.

5. Orientaziorako online gida bat sortzea, "GIDATU" izenekoa, emantzipazioarekin, lana bilatzearekin eta abarrekin lotutako galdera eta zalantza ohikoenei erantzuteko.

Informazio gehiago @lurrikaraba eta  https://gazteria.araba.eus/es/.