Aisialdian hezteko programa da Lehen Hezkuntzako eta Bigarren Hezkuntzako ikasle arabarrentzat, gelako kohesioa, jakintza eta konfiantza lantzeko helburua duena, jokoak, lantegiak eta astialdiko dinamikak egitearen bidez. 3 edo 5 eguneko egonaldiak irailean eta urrian. Astialdiko jarduerak (jolasak, tailerrak, txangoak), nautika Zuhatzan, gatz Harana Espejotik edo baratze ekologikoa Barrian.

Objetiboak

• Ikasgelaratzea erraztea, aisialdi jardueren bidez taldea sendotuz eta bateratuz.
• Ikasleek eta irakasleek elkar ezagutzea
• Uda ostean, hizkuntza biak erabiltzeko ohitura berreskuratzea
• Aisian heztea

Modalitatea

Ikastetxeek aukeratuko dute jarduera mota. Hona hemen diren motak:

A) 4 egun oso + janaria (astelehenetik ostiralera)

B) 2 egun oso + janaria (astelehenetik asteazkenera edo asteazkenetik ostiralera)

Ikastetxeak erreserbaren % 25 ordainduko du aurrerakin gisa, gehienez ere 10 eguneko epearen barruan erreserba egiten denetik

Iradokizunak

• Ez dute dirurik eraman behar.
• Telefono mugikorra jardueretatik kanpo erabili ahal izango dute bakarrik.
• Ez eraman balioko gauzarik, antolatzaileak ez baitira arduratuko horiek galtzen badira.

Ikasleek eramatea gomendatzen den materiala:

• Oinetakoak: kirol oinetakoak eta mendiko botak
• Dutxarako txankletak edota bainukoak itxiak
• Eguneroko arropak, kiroleko arropak, fraka luzeak, elastikoak, jertsea, jantzi beroak
• Zira
• Galtzerdiak eta barruko arropa
• Lozakua
• Pijama
• Motxila txikia
• Eskuoihala eta garbitasun pertsonalerako produktuak
• Linterna

Izena ematea

Honekin batera doan izena emateko eskabidea PDF betegarria eta bidali daitekeena da. Gure posta elektronikoko erretiluan jasoko dugu eta heltzen den ordenaren arabera kudeatuko dugu. Faxez ere bidal daiteke.

Izena emateko epea: Maiatza