Ingelesean murgiltzeko eta ekologia lantzeko programa da jatorrizko irakasleekin, Bigarren Hezkuntzako lehen zikloko ikasle arabarrentzat. 5 eguneko egonaldiak urrian, azaroan edo urtarriletik ekainera bitartean Barriako aterpetxean.4 orduko jolas eskola eta lantegiak ingelesez, adinaren mailara egokituta. Ingelesez bizi. Erabateko murgilketa eta ahozko gaitasuna garatzea. Baratzezaintza ekologikoko hastapenak. Biodibertsitatea, ekosistema, konpostajea, birziklatzea.

Objetiboak

• Ingelesa ikastea modu ludikoan eta trinkoan
• Ikasleak jatorrizko irakasleekin ingeles hutsean komunikatzeko gauza izatea
• Ingurumenarekiko eta ekologiarekiko kontzientzia barneratu eta garatzea
• Egonaldia gozatzea eta ondo pasatzea

Modalitatea

4 egun oso + janaria (astelehenetik ostiralera)

Iradokizunak

• Ez dute dirurik eraman behar.
• Telefono mugikorra jardueretatik kanpo erabili ahal izango dute bakarrik.
• Ez eraman balioko gauzarik, antolatzaileak ez baitira arduratuko horiek galtzen badira.

Ikasleek eramatea gomendatzen den materiala:

• Oinetakoak: kirol oinetakoak eta mendiko botak
• Dutxarako txankletak
• Eguneroko arropak, kiroleko arropak, fraka luzeak, elastikoak, jertsea, jantzi beroak
• Zira
• Galtzerdiak eta barruko arropa
• Lozakua
• Pijama
• Motxila txikia
• Eskuoihala eta garbitasun pertsonalerako produktuak
• Linterna

Izena ematea

Eskabideak web orri honetan bertan gaituko dugun formulario bat betez egingo dira. 

Programa bakoitzean sartzeko aukera gehiago sortzeko, ikastetxe bakoitzeko ikasturte bati emango zaio lehentasuna. Hala ere, bigarren aukera bat hautatu ahal izango da, plaza librerik geratzen bada kontuan hartuko dena.

Hezkuntza programa guztietan ikastetxeko irakasleek parte hartu eta lagundu behar dute. Egonaldi hori doakoa izango da irakasle batentzat, ikasgela eta programa bakoitzeko.

Izena emateko epea:  2025eko maiatzaren 5etik 31ra