IRAGARLEA

Eusko Jaurlaritza

Emantzipa 25 eta 29 urte bitarteko gazteak emantzipatzeko zuzeneko laguntza da, biak barne. Hilean 300 euro ordaintzen dira, gehienez 24 hilabetez.

Baldintzak:

• 25 eta 29 urte bitartean izan behar dituzu.

• 12 hilabete erroldatuta Euskal Autonomia Erkidegoan, edo 3 urte erroldatuta azken 10 urteetan.

• Errentamendu-kontratu baten titular izan behar duzu, banaka edo errentari kide gisa (etxebizitza partekatuz), edo salerosketa-kontratu baten titular gisa, banaka edo jabekide gisa, eta horrek hileroko ordainketa ekonomiko egiaztagarria ekarri behar du berekin.

• Ezin zara ohiko etxebizitzaz bestelako etxebizitza baten jabe izan, salbu eta etxebizitza hori ezin duzula baliatu egiaztatzen baduzu (banantze edo dibortzio-arrazoiengatik edo beste arrazoi batzuengatik).

• Laguntza eskatzen duzuenon ohiko bizileku iraunkorra izan behar du etxebizitzak.

• Ezin duzu familia-loturarik izan etxebizitza alokatzen duen pertsonarekin (bigarren mailara arte).

Diru-sarrerak:

• Zergak banaka ordaintzen badituzu: 3.000 eurotik gorako eta 28.000 eurotik beherako urteko diru-sarrerak.

• Zergak batera ordaintzen badituzu: 3.000 eurotik gorako eta 34.000 eurotik beherako urteko diru-sarrerak.

Epea: 2024ko otsailaren 20tik aurrera egin ahal izango dira eskaerak

Kontsultei 945 015 591 telefonoaren bidez erantzungo zaie, edo emantzipa@euskadi.eus posta elektronikoaren bidez, edo GAZ Emantzipaziorako zerbitzuaren bidez.

Informazio gehiago

Kontaktua: 646 10 91 26 (whatsapp-erako baino ez da) /  gaz@euskadi.eus