Negulekuak 10 eta 16 urte bitarteko adingabeei egongo da zuzenduta. Bakoitzak nahi dituen asteetan eman ahal izango du izena  abenduaren 21era arte, Herritarren Arretarako Zerbitzuaren (HAZ) edo egoitza elektronikoaren bitartez. Prezioa 10 eurokoa izango da aste bakoitzeko.

Programatutako jarduerak abenduaren 26tik 30era eta urtarrilaren 2tik 5era egingo dira, 10:00etatik 14:00etara.

Laudioko gazteek ezagutza sustatzeko tailerrak eta jolasak egingo dituzte, gozoki errezetak prestatuko dituzte, ginkana batean eta Laser Tag jarduera batean hartuko dute parte, Gasteizko izotz pista eta City Jump-a bisitatuko dituzte, pasapalabra modalitate ezberdinetan jokatuz lehiatuko dira, eta scape room bat egingo dute, besteak beste. Urtarrilaren 7 eta 8rako ere hainbat jolas, pintxopote musikal bat eta zinema saio bat programatu dira.

Informazio gehiago